Immer es gleiche...

Immer es gleiche, wenn die Gedanken kreisen die ganze Nocht-

der Zweifel überkummt mi, wos hob i nur foisch gmocht

A innere Unruhe losst mi net in ruha-

Und losst mi net schlofn bis in da Fruha.

Immer es gleiche, des kauns doch net gebm-

do muß doch no mehr gebm für mi in dem Lebm.

Immer es gleiche, wie laung kaun ma sei Geduld aussischibm -

bevor ma des gefühl hot es gibt ois zu verliern.

bis der Punkt erreicht is wo an nix mehr is bliebm-

damit geb i mi so sicha net zufriedn.

Wos isas wos ma im lebm hot zu erreichen-

i hossas wenn in mir so groß is der zweifel.

Immer es gleiche wos sui i nur mochen-

mir is momentan wieder goanet zum lochen.

Man suit doch des Leben afoch geniessen-

doch überoll auf der Wöd heat ma nur von Kriesen.

Suit i in de Wöd wirkli Kinder setzn-

des wär jo fost so als würd is söwa verletzn.

Immer es gleiche mir föd afoch wos-

i kauns net benennan, wesholb is a los.

I fleh zum Himmel das i a Eingebung kriag-

für a erfülltes Leben in dem i wos bewirk.

Man lebt nur dahin Tog für Tog-

so hot des kann Sinn und so i´s a net mog.

Immer es gleiche, der Typ bin i net-

i fühl mi so miad goa nimma kokett.

Wo is mei Impuls wo mei Leidenschoft-

es gibt so fü Schönheit trotzollem Heitztog.

Erwochen wü i aus dera Trance-

und es Leben geniessen mit oll seiner Procht.

Doch do is a Schleier I wü das er weiche-

I hob den Sotz sott, es is immer es gleiche.