Sommergewitter

I schau aussi beim Fenster und es is no schen woam,

der Himmel ziagt zua, gaunz dunkel is woan.

Da Wind biagt die Bama gaunz wüd hin und her,
a lautes geraschel i vom Woid umma hea.

Auf amol is leise ka geräusch mehr zhean,
die Vogal san stad, angst und bang kennt an wean.

Die Blattl taunzn ganz zoart fost vibrierend,
vor Freude auf den Regen der glai kumman wird.

Gaunz leise a Vogerl plötzlich zwitschert los,
um olle zruck zrufen damit kana wird noss.

Do wora a schon der erste Tropfen is gfoin,
schnöllen schrittes die Leit sichst, wals trocken bleiben wuin.

Aus der Ferne schon laungsam wird lauter der Donner,
hot scho wos schens a, so a Gewitter im Sommer.

MM